الارشيف / صحة

افكار تقضي بيها عيد ممتع ومسلي في البيت

اغلبنا كان بينتهز فرصة اجازة العيد للسفر ، الخروج في اماكن مفتوحة ، او التجمع مع العيلة ، لكن السنة دي العالم كله في ظروف مختلفة جدا بسبب فيروس كورونا وممنوع علينا السفر والخروج والتجمع ، لكن ده اكيد مش هيمنع اننا نستمتع بالعيد وننبسط ، والنهاردة من خلال المقال بتاعنا هنقولك افكار للاستمتاع بالعيد في البيت وتقضي وقت حلو وتنبسطي مع عيلتك.

افكار للاستمتاع بالعيد في البيت:

1- تزيين البيت:

اول حاجة عشان تحسي بالعيد وانتي في البيت ، جربي تعلقي زينة عشان تحسي بأجواء العيد وتعملي جو مبهج في البيت.

افكار للاستمتاع بالعيد في البيت

2- اعملي سهرة عائلية:

رتبي سهرة حلوة مع عيلتك ، وحضروا المسليات والفشار , واختاري فيلم تتفرجوا عليه سوا.

3- اتصلي باصحابك:

بما اننا في وقت ممنوع فيه التجمعات ومش هتقدري تتجمعي مع اصحاب او مع افراد عيلتك اللي عايشين بعيد عنك ، فانتي تقدري تتصلي بيهم في التليفون ، او تعملوا تجمع عائلي اون لاين بفيديو كول.

4- العاب جماعية:

ممكن تتسلي مع افراد عيلتك في العاب جماعية زي الكوتشينة ، الدومنو ، اونو ، الطاولة ، فيديو جيم ، بلاي ستيشن.

5- اعملي اكلة جديدة:

ممكن تشاركي عيلتك باكلة جديدة ، جربي اي وصفة جديدة او حلويات وفاجئيهم بيها.

6- متابعة اليوتيوب:

لو بتملي من الحاجات اللي بتتعرض كل سنة على التليفزيون في العيد ، موقع اليوتيوب من المواقع اللي عليه حاجات كتير منوعة من برامج ، مسلسلات ، افلام ، تقدري تتابعي من خلاله في ايام العيد اي حاجة بتحبيها او اللي فاتك تتفرجي عليه في رمضان.

7- مارسي هوايتك المفضلة:

في اوقات كتير من الايام العادية ممكن تكوني مش بتلاقي وقت كفاية عشان تمارسي هوايتك المفضلة ، اجازة العيد في البيت هتكون فرصة كويسة جدا انك تمارسي اي هواية سواء مشغولات يدوية ، كتابة ، رسم ، طبخ ، اي حاجة انتي بتحبي تمارسيها في وقت فراغك.

8- دلعي نفسك:

خصصي وقت لنفسك تستجمي فيه وتعملي فيه الحاجات اللي بتحبيها ، ممكن تقري كتابك او روايتك المفضلة ، اتفرجي على فيلمك المفضل ، او حتى قومي اعملي لنفسك مكياج ، جربي تسريحة جديدة ، اكيد القعدة في البيت متمنعش ابدا انك تهتمي وتدلعي نفسك.

9- اعملي حفلة شوي:

ممكن تستغلي البلكونة او سطح البيت او لو عندك رووف او جنينة في البيت ، ممكن تعملي فيها حفلة شوي صغيرة مع عيلتك.

5 حاجات مفيدة تعمليهم خلال فترة العزل المنزلي.. اعرفيهم واستفيدي منهم

5 حاجات مفيدة تعمليهم خلال فترة العزل المنزلي.. اعرفيهم واستفيدي منهم

عرضنا لكم زوارنا الكرام أهم التفاصيل عن خبر افكار تقضي بيها عيد ممتع ومسلي في البيت على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

Advertisements