الارشيف / صحة

لو بتحسي دايما بالارهاق يبقى جسمك محتاج الاكلات دي

قلة التمرين ، اكل الوجبات السريعة بشكل مستمر ، القعدة على المكتب او قصاد الكمبيوتر لساعات طويلة ، كل ده بيأثر بشكل سلبي على الصحة ، عشان كده النهاردة هنشارك معاكم مجموعة اطعمة صحية للحفاظ على الجسم تاكليها خلال اليوم عشان تحافظي على صحتك واعضاء جسمك.

اطعمة صحية للحفاظ على الجسم:

1- لصحة العين:

القعدة قدام الكمبيوتر لفترات طويلة ، بيضر العين وبيجهدها ، وللحفاظ على صحة عينيكي ضروري تدخلي في نظامك الغذائي الاطعمة الغنية بالاوميجا 3, اللوتين, الزنك, فيتامين A, C, E.

– الخضروات الخضرا زي (السبانخ, الكرنب, السلطة).

– البيض.

– الفواكة الحمضية.

– التوت.

– المكسرات والبذور.

– الاسماك الزيتية زي (السلمون, التونة, الماكريل).

اطعمة صحية للحفاظ على الجسم

2- لصحة جهاز المناعة:

الوقاية من المرض مش صعب ، اهم حاجة تمشي على الاحتياطات اللازمة ، وتاكلي الاطعمة اللي بتساعد على تقوية جهاز المناعة.

– الفواكة الحمضية.

– الفلفل الاحمر.

– البروكلي.

– الثوم.

– الجنزبيل.

– الكيوي.

– البابايا.

3- لتعزيز التمثيل الغذائي:

كل ما زادت سرعة عملية التمثيل الغذائي في الجسم ، زادت سرعة حرق السعرات الحرارية ، ولو انتي بتقعدي فترات طويلة سواء في الشغل او في البيت قدام الكمبيوتر ، فانتي محتاجة مساعدة عملية التمثيل الغذائي في جسمك انها تشتغل بكفاءة ، والاطعمة دي هتساعدك على تعزيز عملية التمثيل الغذائي والحفاظ على وزن الجسم الطبيعي.

– الاعشاب البحرية.

– القهوة.

– الشاي.

– البهارات زي (الجنزبيل, الشطة, الحبهان).

– الفاصوليا.

– اللحوم الخالية من الدهون (الفراخ, الديك الرومي).

4- لوظائف المخ:

الاكل الصحي مش بس ليه تأثير على الجسم ، ولكن بيأثر كمان على وظائف المخ ، والاطعمة دي هتساعد الخلايا الرمادية في المخ انها تشتغل بأسرع ما يمكن ، بالاضافة انها هتبطيء التغييرات المرتبطة بالعمر.

– الاسماك الزيتية زي (السلمون, التونة).

– التوت.

– المكسرات والبذور.

– الاطعمة الغنية بالالياف زي (خبز القمح الكامل, الارز البني).

– عصير الرمان.

– الشوكولاتة الغامقة.

5- لصحة الامعاء:

حسب بعض الابحاث والدراسات ، ان الاستمرار 10 سنين في وظيفة واحدة مستقرة بيضاعف من خطر الاصابة ببعض انواع سرطان الامعاء ، وده تقدري تمنعيه عن طريق ممارسة التمارين الرياضية بانتظام ، والحفاظ على نظام غذائي صحي يشمل الاطعمة دي.

– البروكلي.

– السبانخ.

– الفواكة الحمضية.

– التوت.

– الاطعمة الغنية بالالياف (الخبز بالقمح الكامل, الارز البني).

ضروري كمان تحاولي تقليل اللحوم الحمرا والمصنعة ( زي السوسيس والسجق والسلامي) في وجباتك ، لانها ممكن تزود من خطر الاصابة بسرطان القولون والمستقيم.

ايه اللي هيحصل لجسمك لو بدأتي تعملي تمارين قبل النوم

عرضنا لكم زوارنا الكرام أهم التفاصيل عن خبر لو بتحسي دايما بالارهاق يبقى جسمك محتاج الاكلات دي على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.

كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.

قد تقرأ أيضا