قوية، مستقلة، حادة، جريئة، مابتخافش، وبتحب المخاطرة، مش بتداري افكارها وبتقول الحقيقة في وش اي حد، لو زعلانة من حد بتقوله ان هي متضايقة منه وزعلانة، بتعشق المنافسة والتحدي، وبالرغم من كل المشاعر القوية دي الا ان انثى العقرب عندها شغف شديد ناحية المشاعر وماهرة جدا في التعبير عن حبها ومشاعرها للي يهمها امرهم، وتركيبتها الخاصة دي هي اللي بتحدد شكل استايل هدوم انثى برج العقرب
الاسود هو اختيارها الاول
الاسود بالنسبة لانثى العقرب هو ملك الالوان، لما بتيجي تنسق لنفسها اي طقم لازم بيدخل فيه الاسود، ولو كان مش في اللبس حتدخله في توكة او مانيكير وغالبا الشوز والشنطة اسود، وعموما انثى برج العقرب اختياراتها في الالوان الغوامق زي النبيتي والبنفسجي الغامق، اما النقشات فغالبا انثى العقرب مابتلبسهاش خالص لأنها بتحب تختار الموديلات السادة بتبعد عن المشجر او المطرز او اللي فيه رسومات الورود مش من الحاجات اللي بتلفت نظرها غالبا، وعشان كده اغلب دولابها اطقم غامقة وسادة خالية من التشجير والنقشات
انثى العقرب والكاجوال
بسبب جرأتها وثقتها في نفسها وقدرتها على المواجهة بتقدر انثى العقرب تلبس ال slim fit والتريندات الجريئة، وتعرف ازاي تصنع استايل كاجوال وفخم وانيق زي انها تلبس بلوزة حرير بتفصيلة كاجوال وتلبسهم مع جينز سليم وتعمل استايل كاجوال جدا مختلف عن فكرة الكاجوال الاعتيادية وفي نفس الوقت انيق و في منتهى الشياكة. اما اكتر حاجة مميزة في استايل العقرب فهي حبها الشديد للبووتس لأنها عندها مجموعة مميزة منهم منهم القصير او الطويل او المتوسط واغلبهم لونه اسود اما لو اضطرها الامر انها تلبس شوز على الارض يبقى حتختار حاجة انيقة زي الصندل الشرايط مثلا او الباليرينا الجلد اللامع او المطرزة بشكل انثوي ملفت
اختياراتها في السهرات
اكيد اختيارها في الالوان حيكون اسود او نبيتي او موف غامق او كحلي لانه من النادر جدا انها تلبس الفواتح وخاصة في السهرات، اما الموديل فهو فستان او جامب سوت له تفصيله بسيطة مش مبهرجة بس باقي الطقم حيكون قمة في الاناقة والفخامة من ناحية الاكسسوار او الشوز او الشنطة في الاخر حتبقى خلطة من البساطة والاثارة والجاذبية والانوثة مالهاش مثيل
الاكسسوارات
انثى العقرب بتحب الاكسسوارات جدا الشنطة ونضارة الشمس بتوعها غالبا اكبر من الحجم الطبيعي، ونفس الشيء بالنسبة للحلق والاسورة والساعة اللي غالبا بيكونوا دهبي بس احيانا برضه بتلبس الفضي، اما القطعة الاساسية في اكسسواراتها فهي الحزام لأنها بتحب الاحزمة جدا وبتعرف ازاي تلبسها على الموضة وتنسقها مع الطقم بتاعها
تقدري كمان تعرفي كل حاجة عن برج العقرب من هنا، بس ماتنسيش ان موضوع اللبس ده بيدخل فيه اعتبارات كتير جدا بتخلي لكل حد فينا ذوقه المختلف لكن بشكل عام دي كانت السمات المشتركة لاستايل هدوم انثى برج العقرب
عرضنا لكم زوارنا الكرام أهم التفاصيل عن خبر استايل هدوم انثى برج العقرب على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
